بقلم الأديبة الشاعرة/حسنه محمد(ليلى)
اللي بينا مش حروف ولا كلام...
دا والله غراااام وهيااام....
هو مش حرف ملوش
معني والسلام....
ولا كلام يترص والختام....
دي خلاصه احساس جوانا
يتحس...
احساس بالامان ملوش ضمان...
اللي بينا عشق روح لروح
سكن قلوبنا وداوى الجروح....
وهيغضل معانا منين
مانروح....
اللي بينا ملوش تفسير
ولا تبرير...
اللي بينا محسوس..
حنان ملموس....
شعور إلاهي..شيئ خرافي
سمعنا عنه في الروايات..
والحكايات...
هو معقول بعد ماحسناه...
ببساطه نقدر ننساه...
بقى بعد ماضحكت لنا...
نتخلي عن حلمنا...
ونضيع الباقي من عمرنا...
محرومين وموجوعين...
ومحدش حاسس بينا...
ولا فكروا يمسحوا دمع عنينا...
الدنيا جت كتير علينا...
مش بأدينا....
شعور ملوش تفسير
ليه مش حاسين بينا..
بعد مالطشت الدنيا فينا...
خدت كتير من أمانينا...
وطوت حلاااوة ليالينا...
ورسيت بينا علي مرسى
حزينا...
ازاي نكمل حياتنا
وطعم المر مالينا....
ااااه وااالف ااااه على
عمر ولاااا مبقاش منه
الا القليل....
عشناه بقلب عليل مع ليله
الطويل....
في انتظار ضي فجر يهل بالمواويل...
نغني ونفرح.. نتحرر
من خوفنا وكسوفـنا
والقيود....
نحس ونتحس ويبقى
لينا وجود....
والزمن علينا يجود...
بأجمل أحساس في الوجود...
بقلمي انا
#حسنه_محمدٍ
دام نبض قلمك الماسي ودام عطائك الذي لا ينضب شاعرتنا القديرة ربي يكرمك ويعزك ويسعدك ويعلي مقامك
ردحذفمبدعة وانيقة وراقية سلمت اناملك الذهبية التي تكتب بماء الذهب وعطر الورد والياسمين تحياتي وتقديري لجنابك الكريم
ردحذفذوق رفيع واحساس مرهف دمت بخير وعافيه
ردحذف