بقلم الأديب الشاعر/عصام قابيل
قلبي كان كفيف ياللي ذكرياتك واجعه قلبك إسمع مني كلمتين إوعي تحزن عيش حياتك إلحق الفرح إللي فاتك إوعاك تخسر مرتين ارضي بنصيبك وعدي عشان مين هاتعيش حزين؟ اجبر ألمك داوي جرحك واللي هجرك قوله ليك مش محتاجين راح هاتتعدل وتفرح وهاتعدي يابا السنين ولا تفرقش الدنيا أبدا لو كسبنا أو خسرنا إبدأ من تاني حياتك مين عشانه تعيش حزين؟ دا إللي قالك مره فارق طز في بعاده الحنين أوعي تحزن عاللي ضاع أوعي سهم الخوف يصيبك أنساه قدر المستطاع اللي راح مش من نصيبك واللي خانك واللي بااااع ما يستهلش يكون حبيبك ارضي بالمكتوب وعيش غير الرضا ماهاتلاقيش ليه الطيبة تبقى عيبك أوعي تزعل عاللي خسرك واللي عمره ف يوم ما نصرك بيعه برضه ما تراعيش واللي شاف ضعفك وكسرك واللي خانك واللي كاسرك واللي سابك وهو جنبك مهما كان عيبك وذنبك قوي قلبك رد قول ما كسرتنيش رد قول أنا مش ضعيف قلبي اللي سكت قلبي اللي سلم كان بيحلم بس كان كابوس مخيييييف قلبي فعلاً كان كفيف. كلمات الشاعر الكبير عصام_قابيل
