بقلم الشاعر/احمد عبد الحق
حيرت قلبي معاك
اقرب الاقيك تبعد
اتشوق واتذوق
تقسي علي قلبي وتعند
ساعات أحسك طفل صغير
محتاج أمه
وساعات أحسك حرف جميل
محتاج بس حد يلمه
وساعات أحسك شوق بمشاعر
واكمني بحسك وانت الشاعر
حضن حنين
ديما محتاج حضن يضمه
حيرتني والله معاك
كل مااجي اعيش احساسي
الاقيه جواك
وكل مااحن بشوق
اكتب كل حروفي معاك
تلاقيني نجمة بكل نجومك
وكمان قمرك
اصلي انا قدرك
بحسك جنبي وانت هناك
ياما قابلت
واللي بيمشي ياما يشوف
كنت يادوب عايشه وخلاص
مرة اعيش حرمان وظروف
ومرة بخوف
عمري ما حسيت باني حياه
ولاجوايا احساس ملهوف
تصدق لو اقولك احساسي
اول مرة احب بجد
اول مرة شعوري بيطلع
عاوزة كل العالم يسمع
قلبي عالطول بيقولها
قلبي مبقاش مكسوف
اول مرة احس الشوق
اول مرة احس بصوتي
مش منبوح...مش مخنوق
اروع حاجه حسيتها معاك
إن حياتي بكل مافيها
لسه عيشاني بشوق
اتعلمت معاك الحب
كلام وكلام
ياما حلمت بشيءجوايا
ولا في الاحلام
كنت بحس باني أميرة
عاوزة تحب
متشوقة ديما للحب
محتاجه تتحب
مرة أسيرة
ومرة تحبك حب بغيرة
بحبك مقدرش أنكر
وبعد الصبر
وبعد ماعدي كل العمر
نسيت المر
بحبك مقدرش أنكر
وبقولها بحبك اكتر واكتر
الشاعر احمد عبدالحق
ابداع تْدِقً اجْرَاس🔔ِ مٌدِيَنُهـًِ الُجْمٌالُ 💎🌟حُيَنَ تْسِمٌْع ُهمٌسِ حُرَوَفَك🎶
ردحذفٌ وَيَبّقًيَ قًلُمٌك يَنَزُفَ ابّدِاْعـُا🌟🎻🎵