بقلم الشاعر الأديب/عبد الحميد وهبه
قلب سجين
فات م العمر سنين وسنين
وسط جراح وقلب حزين
عشت كتير كان نفسي أحب
أو أكون واحد م العاشقين
يوم ورا يوم والأيام عدّت
عايش لكن عايش ميت
بين جدران الوحدة ببيّت
روح مسروقة وقلب سجين
فات م العمر سنين وسنين
عدّى سنين وأنا كنت لوحدي
عايش من غير أي حبيب
حتى الوقت ما كان بيعدّي
والفكر ياخدني وبيجيب
إيجى الوقت إن أنا أتغيّر
و ف قلبي ومصلحته أفكّر
ومشاعري المكبوتة هتصحى
والقلب المحبوس يتحرر
بقلمي عبدالحميد وهبه
تعليقات
إرسال تعليق