بقلم الشاعر/خالد جمال
بهلوان
راح زمان الطيبة عدى
خد معاه كل الحنان
وقت صعب وعصر مادة
ناس بتلعب بهلوان
فين ايدين كت لينا مادة
فين صحابنا بتوع زمان
قوللي فين هيه المودة
فين كمان أجدع جيران
جد إيه بس النهاردة
قوللي ليه ردوا البيبان
لو تلومه يقول بحدة
كل وقت وله أدان
مافتكرشي أنا حد يرضى
يبقى ندل يعيش جبان
ليه زمان الحب ولى
ليه كمان الود هان
صار ايمانا ف ايدنا جمرة
والشيطان كسب الرهان
فين قلوب شفافة طاهرة
حب عذري بتاع زمان
كله ماشي شمال علولا
والحلال مالهوش مكان
شرب خمرة ف ليلة حمرة
صب يابني وهات كمان
دي الحياه سموها دنيا
ماتساويش ذلة لسان
ضايعة منا ف ثانية فانية
واللي فاز هوه إللي صان
بهلوان
بقلمي / خالد جمال ٩/٩/٢٠٢٥
تعليقات
إرسال تعليق