بقلم الشاعر /محمود عمار الزلباني
----- الهوا كداب
*********** محمود عمار الزلباني
سألت مالو الهوا
قالوا الهوا غلاب
جريح وعايز دوا
ردو الطبيب ع الباب
وإمتى نبقى سوا
ونعيش بقى أحباب
ورد الخدود إستوا
والكرم عنبه طاب
والتمر خالي النوا
ع الصدر خر وساب
والعقل عندي نوا
أمسك بيدي سحاب
م الوحدة قلبي إرتوا
وليلي كله سراب
ونهاري ديبه عوا
عديت تلال وهضاب
أسأل عليك يا هوا
أتاريك يا هوا كداب
تعليقات
إرسال تعليق