بقلم الشاعر /أحمد عبد الحق
وبكتبهم
رمش وسرق قلبي
بلون الكحل متكحل
وكأن العمر في اواخره
حلف ليرجع من الاول
وكأن الضحكه والبسمه
والهمسه و اللمسه
اتاريني بيكي راح اكمل
وبكتبهم
حنان في النن متخفي
حنين بيقولي مستكفي
نظرة مرسومه بعين
هو شوق..ولا عشق
ولا حكايه جوه عين
هي نظرة اشتياق
ولا حب
يكنش حب
بس ازاي يبقي حب
مرسوم برمش
متذوق بعين
وبكتبهم
حروف مكتوبه علشانهم
بضيع والله في ثواني
وانا حاسس بالوانهم
بعيش عمري اللي راح مني
واقول جم والله في اوانهم
وبكتبهم
أتوه واتوه وانا معاهم
وابعد واقرب
الاقيني نايم جواهم
اكتب كلام
احلي كلام
مابين الحرف والتاني
والرمش والتاني
والله انا تايه
محتار انا بينهم
وبكتبهم
حرف دايب جوه حرف
ايد وماسكه ايد
هو ده عمري اللي فات
ولا ده عمري الجديد
هو ده الحلم اللي مات
ولا كله كان توهم
وهو ده الحلم الاكيد
وبكتبهم
وانا حاسس اني بوصفهم
عيون حايرة
قلوب طايره
هتصدقي لو قلتلك
اني بجد حسيتهم
تعليقات
إرسال تعليق