بقلم الشاعر /صبري الحساني أيمن

الشيطان هو العدو الأول والتوحد الذى لا يتراجع عن عداوته وكرهه لكل من هو بنى ادم هدفه هو العادم عن كل واى شىء يقربك من الله الحمدلله تغلبت علبه فى بعض المواقف فقلت
            غلبت الشيطان
غلبت الشيطان
                كان عايز يضحك على ضحكت عليه
الفجر اذن والجو برد
                قالى نام وجسمك أرمى الغطى عليه
قلتله يا شيطان يا رجيم
                 البرد مقدور عليه 
ويا حسرة من يكون قاعد
                 ويضيع فرض من الفروض عليه
          غلبت الشيطان
قالى أفطر خلاص
             انت مااتسحرتش
انت عندك سكرووقت الفطار
              شربت ميه كتير ومن الاكل ما شبعتش
أفطر وربك يسامحك
              وقول للكل ما فطرتش
قلتله ومين يسمعك
               ما فيش بيت دخلته وليه ما خربتش
والصاحب يخون صاحبه
                وتقول مش ذنبى ما عرفتش
والاخ يهون على اخوه
                 وعلى حيلك ما قعدتش
          غلبت الشيطان
قالى زكاه إيه
               يا عم. الناس ما معهاش
اللى معاه قرشين
                ما يرميهمش كده ببلاش
يا دوب البيت مكفيين
                اكل ولبس وفراش
قلتله كداب ومؤذى
                 فى ناس كتير ما معهاش
لكن الزكاه واجب
                  وفرض ما يستناش
صيامى بيكون معلق
                  لو للغلابه ما طلعتهاش
          غلبت الشيطان
قالى صلى المغرب ونام
                   التراويح الشيخ بيطول
صليها يا عم فى البيت
                   براحتك مش هتطول
قلتله الصلاه فرض
                   فى الاخر وفى الاول
والسنه عليها اجر
                    عنها ما نتحول
وشيخنا صوته جميل
                   واحنا اللى بنقوله طول.   
          غلبت الشيطان
قالى ابعد عن حبايبك
                    دول حاقدين وبيكرهوك
كل ما تاجى سيرتك
                     يتعمدوا يهينوك
من كل حاجه حلوه
                    عايزين يحرموك
حتى اللى منك قريب
                    من امك ومن ابوك
قلتله روح يا رجيم
                    احبابى بيعزونى
فى قلوبهم أنا ساكن
                    وفوق رأسهم بيشيلونى
وان جات سيرتى فى مكان
                     بالخير بيذكرونى
قالى أنت قلبك طيب
                     دا. فى الكره هم بيفوقونى
فى الوش ليك ضحكانين
                      وفى الضهر عليك بيوزونى
كارهينك من غير سبب
                      وليك بالغل ارسلونى
قلتله اعوذ بالله منك ياشيطان
                       الكل منك حذرونى
مش هسمع كلامك
                      حتى لو آذونى
أنا طبعى مش زيك
                      المكر باين فى عيونى
وقمت صليت الفجر
                      والنوم راح من جفونى
فى الجن فى شياطين
                     وفى الإنس شياطين خانونى
يارب اكفينا شرهم
                      ابعدهم عن طريقى عن عيونى

تعليقات

إرسال تعليق

المشاركات الشائعة من هذه المدونة

الشاعر / حسن علي النشار

صورة
(لحظ حسناء) بقلم/ الشاعر حسن علي النشار شعر .....حر        ................................ سمراء جادَ بالهدابٍ لكحْلِها وغرورقتْ شفتاي من رضابِ ثغرها جالستُها فتمنعتْ وتعتبتْ والغوص في الأعماقِ يسري بعمقِها هدباء تمشي والغناج بمشيها وبلفتةِ الظباء مالت بالحنين بخصرِها حسناء مكسال والحريرُ ملبسُها والسحر غالب بسمة لغنجِها مرمر يضاهي والحلاوة كوكباً ضاءت عيونَ العشق تنشر عشقها لامستُها بخفةٍ فتجهمتْ يدي تجودُ بالعطاءِ لضمها أحنو على القد النحيل تمنعاً خوفي عليهِ من النحول أن يثنها نفسي إلى العناق تطرب نحرها حاولتها والخد تورد من حسنها والعين كالغثيان يرف الهداب وأغوص في أعماق من عطرها  ميلي على كتفي وتلحفي الغطاء علَّ العيون تغيب وتحلم بخدرِها  ألقي الهوينةَ إن عطرك منعشي  وتبسمي علَّ العيون تذيبنا بسحرِها بقلم/ الكاتب الشاعر حسن النشار... **********************
قراءة المزيد

بقلم الشاعر/أيمن الصاوي

صورة
الْكِلْمه الْحِلْوة بِتْريًح      يا صَاحْبي رُد الْسّلام                          دي الْكلْمه الْحِلْوه بِتْريّح    وِإبتسامتك لمٍَا تِلاقيني                                    زي الْهِدية بِتْفرّح   عُمْري مَ غِلطت فيك                       ولا أرْضى ولا قلْبي يسْمح   وأنت يا صاحْبي لمَّا بِتزعل                           لِسانك في الْغلطْ يرْمْح    تعيد وتزيد وتكشف أسرار                             وبأعلي صوت تِفْضح    وانا بنْسى وافتح أبْوابِ الْوِد                       وأنْت أبْواب الشّر  بِتفْتح   مها تقول وأسْمع مِنّك                  هَيفْضل ليك في قلبي مَطْرح   فُوق يا صاحبي لسّه شاريك               لا تخاصم ولا تقول كلام يجْرح   شيل الغشاوة اللي مضلّمه عينيك                     ومْخليّاك تِشْتم فيَّا وِتنْطح    مَفيش خِصام بين الصّحاب                 سَمِحْتك كتير إنْت مرّة اصْفح   خَدْنا أيه من الْكِبر وِالْعناد                      مَ تخليش النّاس فينا تْفرح    ويقولوا راح الوِئام وبقوا لِئام                       كُل واحد في اخوه يدْبح    ياللا نِفتح صفحة جديده           
قراءة المزيد

بقلم الأديب الشاعر/د. الشريف حسن ذياب الخطيب

صورة
حين أحببتك،  تحول قلبي إلى بركان من المشاعر يلفظ لهيب الشوق  والاشتياق من أعماقه وتحولت روحي إلى نهر من الحنين يجري بقوة واندفاع نحو ضفاف قلبك حين أحببتك،  أصبحت كل لحظة بدونك كأزهار تذبل وتتساقط من غير ماء وأصبحت كل ليلة بلا نومك كليالي صحراء قاحلة بلا قمر ونجوم حين أحببتك،  غمرني بحر من الأشواق يتلاطم بأمواجه على شاطئ قلبي وأصبح كل شيء في هذا الكون مجرد ظل باهت بالمقارنة بنورك حين أحببتك،  أصبح كل شيء في حياتي يدور في فلك وجودك وحضورك فأنت الشمس التي تشرق على كياني والقمر الذي ينير ليالي غربتي حين أحببتك،  أصبحت أنا وأنت كالروح والجسد لا أستطيع أن أفرق  بيننا في هذا الوجود فأنت روحي التي تحيا بها وأنا جسدك الذي يتحرك بك حين أحببتك،  انمحت كل الحدود والفواصل بيني وبينك،  وأصبحنا نسيج واحد من الأحاسيس والمشاعر المتشابكة لا أستطيع أن أعرف أين أنا وأين أنت حين أحببتك،  فقدت السيطرة على نفسي وأصبحت أسير هذا الحب العميق الذي جعلني أهب كل ما أملك وأصبحت أنا بكامل وجودي خاضع لك الحب نار تلتهم كياني من الداخل وينبوع ينبع بلا توقف من أعماق قلبي هو الموج المتلاطم على شاطئ روحي والنسمة العليلة ا
قراءة المزيد