الشاعر/محمود عمار الزلباني
((((((غرامه سهرنى )))))
----------------------------
--------------محمودعمارالزلبانى
سكوت الليل يفكرنى
بللى غرامه سهرنى
وبكانى وحيرنى
وقلبى كان يصبرنى
وقلبه تريه مشغول
--------------
ليالى أكلم النجمة
ومنه أستنى ولو كلمة
تعدى منه كالنسمة
أو نظرة حتى أو بسمة
والليل كان عليا يطول
-----------------
خلانى أقول مواويل
تسمعها نجوم الليل
مش لاقى لقلبه سبيل
ودموعى عليا دليل
حبيته وخدنى عزول
---------------------
حبيته أنا لوحدى
وقلبه كان عنى بعيد
إديته كتير ودى
ولو شوفته ابقى سعيد
وقلبه كان مقفول
------------
دالحب هو السبب
ف اللى بيجرالى
وحبه عليا انكتب
غير كتير احوالى
حبيته وانا المسؤل
-----------------
فى مرة جاى يبكى
والدمع مالى عنيه
قال لى جاى اشكى
والقلب حن إليه
وشوفت العذاب بيطول
-------------------
بيدى مسحت له الدمعة
وبرجوعه فرح قلبى
وبقيت انا الشمعة
دهو حياتى وكمان حبى
وصبح قلبى بيه مشغول
تعليقات
إرسال تعليق