بقلم الشاعر /محمود عمار الزلباني
(((((( مربعات نيلية))))))))
==============
أول كلامى باسمى
بأسم رب البريه
يا مصر حبك فى دمى ...
دا انتى روحى وعنيا
----------------------
لشهد نيلك نغنى
زلال سكر مكرر
بحبك من صغر سنى
وروحى فداكى واكتر
------------------
يا نيل ياللى بتجرى
يا ابو ميه صافيه تسر
غرامك فى روحنا بيسرى
يا عزيز يا ابو قلب حر
-------------------------
من بدرى قدمنا قرابين
عروسه حلوه تضحى
صلو على ضفافك فراعين
يا نيل يا مزودلى فرحى
--------------------------
يا نيل يا نهر السعاده
يا محنى كف الغلابه
يا معلم مصر الرياده
من غيرك تاكلنا الديابه
-----------------------
يا نيل يا وهبنا حضاره
وياك يا ما غنت سواقى
صانوك ولد الاماره
وبيك خضرنا الشراقى
------------------------
على حبك قامت مصانع
وبيدك زرعت الحنان
ومن خيرك عملنا مزارع
وعلى سطك عشنا الامان
---------------------------
فرحانه فيك المراكب
والحب ع الشط شاهد
وصحبه ناسيه المتاعب
حادوا وقالو يا واحد
-------------------------
يا معلم الدنيا السياحه
يا نيل يا ابو شط عايق
يا معلم الناس الملاحه
يا ابو سطح صافى ورايق
-------------------------
-يا نيل مش بس ميه
الدم جوانا منــــــــــك
احنا حمام الغيــــــــــه
ولا نقدر نستغنى عنك
--------------------------
صياد وفارد شباكه
وعمرك ما كنت بخيل
الرزق داخل شباكه
يا بلسم لجرح العليل
-----------------------------
مديت ايديك للصحارى
بعد ما كانت سراب
صبحت مزارع تدارى
وتحضن حتى التراب
-------------------------
-أهداك لينا الالاه
ولمصر أم العروبه
دا انت شريان الحياه
تتيسر معاك الصعوبه
------------------------
محفوظ من رب عالى
سامع دعانا يا نيل
سهرنا معاك الليالى
نغنى نقول يا جميل
----------------------
يحميك لمصر الحبيبه
صافى ورايق بتجرى
يكفيك شر المصيبه
وتعيش لمصرتسرى
************
تعليقات
إرسال تعليق