بقلم الشاعر /د. جاسم ثعلبي ألحساني
أنت شاعر
قوم و إنهض و إنشر أطوار المحبّة
إو لا تبالی من کلام إلّی تعربه
أدری صعبه
إلدّنیا بیهه ألام تزهی
تختل إبدرب إلعجید الّی تطلبه
بیّن الحگ من تحل فوگ المنصّة
الیوم أحسّن غیر باچر
أنت شاعر
...
گوم شیل إهموم أهلنه
الفاعل الخیر العجید
إتحزّم إبصوت القصاید
مثل طلقه إتثور للیسمع صداها
السکته بإلذل ما تفید
شیل راسک و البس إثیاب الجدیدة
و إعلم إبطبعک عنید
بالمضیف النّاس عطشانه إعلی شوقک
إو شوفت الناطق سعید
قول بیت إفلان ویّه إفلان عایل
إحچی الحگ لو یضربوک إبحدید
إبصوت ظاهر ، أنت شاعر
...
سافر إفتر بالطبیعه
إو شاهد إلبر إو ربیعه
إو صوّر الدیره إلنسوها إو من جفوها
قادروها إبیا مصیبة
وثّق إبعین الجمیلة
یا نبت شجره الأصیلة
أنت ساکنهه إو مواطن مو غریب
إکشف الأبیض و الأسود
حاور الاقرب و الابعد
او صمت فمّک ما یفید
صوغ خاتم من حچی الوادم تلبسه
لا تحبسه إبچف ضمیرک یا عجید
خلّه یتلامع مثل بدر الحقیقة
إتزوره أهلنه من بعید
اللیله ساهر ، و أنت شاعر
...
قوم شاطرنی إبحیاتی
عندی ویّاک إحتفال
قوم حط إیدک بدیّه إو نطرد أوهام الضلال
إبکل سؤال إبکل دلال
لا محنّه إو لا ذلال
إحنه محکومین بالموت إعلی حقنه
و إلمذلّه بل محال
شیل چرغد و إکتب إعلیه إنتصرنه
وینه الراید یذلنه
إنجلّه و اللّه الّی یجلنه
هذا مو شور إعتقاد
هذا بالدین النه مرسوم إبرسالة
الناطقة رب إلجلیل
الیطغی بیه ما شاف عمره
یسحق إرسومه الجهاد
ماله والی البیت لو مالن إشبابه
و البر البیه ثروة یتچمّل ذیّاب
إشیعمل الساروح وحده
إتگنصه إذیاب المربدة
حتّی لو هم بعده شاب
قوم شاطر ، و أنت شاعر
...
طگنه سیل إو هدّم إشما فعل بینه
و النخل باس التراب
و المطر من نار حارگنه إبمشینه
ممکن الهمّه إختبار
ساوه الدیران بس ما شرّدانه
إو یفتخر بالإنتصار
أبد ما منصور مطر الّی لفانه
إسمع نهیته بحتضار
حتّی لو نجلی نحط إعلی المعالی
إو نعمر إبهمسه الدمار
إنرحب الّی شال و إیدر إبحنانه
إیساعد أخوانه إبنهار
إکتب أوصافه إبشجاعه الکرّمانه
و إبقناة الفکر و إرسلهه إبقطار
البیت عامر ، و أنت شاعر
...
إدرس التاریخ و إرسم بصمه بسمک
خلهه تذکار الحبیب
خلهه بشفاف المراحب قوّی جسمک
و أدری المرهه یطیب
النخل ما یبّس سعف بیه هیبه لهله
النخل شامخ یستجیب
یحچی وی جرف النهر دمعه إعله عینه
یروی الضامی إبنحیب
یشبع الجوعان من تمره إو یعانی
و الکرم قسمه إو نصیب
هیبه إلنه الشاد راسه إبشیلة إمّه
الضاع منهه إو حشّمتّه مو غریب
الغریب الباع بخته إبلیله ظلمه
إو للصدء إلغامض یجیب
فکره قاهر ، و أنت شاعر
...
أنا أرید أرسل إلک أاخر کلامی
من بعد هذا الکلام أصبح شعب
خلّه الک ترچیّه بذنک و أنت عینه
أصوغه الک تاج إبذهب
ممکن أتأذّه إبحیاتی إبکل وسیلة
و أدوی إبنار إو لهب
سر الک مکتوب سبعین إبدلیله
أبواب دیوان إبخطب
بیهن إحچایات بعیونی ضلیله
المبتدی بیهن لعب
و أعتذر ممن دخل گلبی إبصهیله
للختل بیه إو هرب
أنا أسف للحنین إلمنتچیله
الحاسد إو شایل غضب
الدرب واعر ، و أنت شاعر
...
شفت بدروب الحیاة إهموم إجت یا ما شف
کل عذابی إو ضیم گلبی من أحبابی إو ما خفت
بیهم الحسّاد تطرق تنزف إبذل تستغیب
إو من غریب الشاد خشمه حتّی أجد بیهم حبیب
أشکر إلضخ ضیمه بیّه إو دهورانی
علّمانی إوگف مثل طبع الرجال
ما یهمنی الضیم لو جانی إبعشیرة
ما أطخ راسی محال
لن سبب صار المرار الّی لفانی
أنظم إلسادی إبشعار
مو فرد جرح إجروحنی إسهام ترمی
لا بالالاف إنتحار
أتصوّب إو أرجع أضمّد کل جروحی
أصابر إو لمّا تطیب
وحدی خلّونی أعیش إبغیر عالم
و إفتخاری أصبح نجیب
ما طریته إلظیم من عاشر حیاتی
إبعزّة أحفادی إنتخیت
کل درع صارولی ما أطخ راس لحّد
إبثمر نطقی و إستویت
قرّرت أکتم قرب ناقوص شعری
إبهذا مخطوطی إکتفیت
دوّنت أشعار بنواع القصاید
إتصنتت لشعار کل صاعد منصّه
إبلذّت النطق إرتویت
عفیه بیهم مو قلیلین إو أکابر
بس الاعرفهم عجایب
بالمیایه إو ما سهیت
رفعوا الراس الی ما عدهم طمع بس للعنایه
و المریض الیشفه من عدهم خفیت
و الثقافه إترید من ینقل شچیهه
إبعذب حبهه إتفطّریت
او ما أفاخر ، و أنت شاعر
...
إتعدّت إیّام إو لیالی إو عذّبتهن
لیلی ما أنامه أبد دوم إبسهر
إعدای یوم إبیوم و إتعربد علیّه
خاف إگلّک بیتی مبنی إمن إلقهر
لو أوصّف لک أذیّه شکل طابوگه إبخیالی
أبنی بالامی إو عذابی مو قصر میّت قصر
خل نگول الدّنیا من ربنه عزاها
إو خل نگول إلطایح إیطیب إبدواها
إو خل نگول إلذلّه ما إلهه شفاها
ما یجد شاعر علی وجه الخصوص
جاعد إبعزّه إو دلال إبلا أذیّه
لان طبع الشاعر إیعیش إبمنایا
تفطر إبگلبه اللصوص
إو یجرش الیابس و الاخضر بالعدالة
إو یصنع الحاصل غموس
یاکله الجوعان و التایه طریجه
عبرة تکفیه الدروس
إی وحق رب الجلالة
گلبی ما حامل أذیّة
الکل بشر زوّد علیّه
الکل عبد حامل قضیّة
الکل مغث یحدی إبشچیّة
الکل بشر من کل هویّة
العاشر إو ماخذ شریّة
بس لجل یحمل علیّه
إبلا وصیّة
مبری الذمّه إبحلاله
اللّه إیحکمه إبخیاله
المحکمة بالإنتظار
القاهر الصاحب قرار
هذا کافی؟
مانی کافر ، و أنت شاعر
...
حیف ناس إبلیّه عرفه العاشرتهه
الشهم یجلونه جلی بس باللسان
الطایح إبذلّه ولا یوصل خلیله
الغیبه حقه إو یستعان
إیزوّد إینگّص یگص من ذیل ثوبه
إتعینه ربعه إبکل مکان
و الحرامی إیصیر أبو إتویلات عدهم
تکره إلزین العمام
الحق معاهم لأن ما تابع عشیرة
إو عایش إبعز و إحترام
الطائفیّه إبسبب ذبّتنه إبّلیّه
خذت من عدنه إنتقام
من نبینه او من وصینه إتعلّمینه
الوحده معمار السلام
اویاک أروح إبغیر موعد خل نسافر ، و أنت شاعر
...
نجمه تزهی و إبسمانه
قوم حط إیدک بدین العاشروک
او رتّب أولاد الثنیّه
او لا تلوم الیوم ربعک ما إجوک إو خایروک
زیل کل عادات مربوعه إبخواطر
لا تهین العذّبوک
همّه ما یدرون لاکن اللّه یعلم
إبحقد حسهم نصّبوک
إو صرت شاعر
صرت ناظر للخواطر
قاضی حکمک لو عدلته
من کلام اللّه زدته
الخاین إبصوتک خذلته
إو بالعذاب الشاجروک
أنا ویّاک التهینه
إندرّب النّاس إبحچینه
لا تقول إتعذّبینه ، إتفرهدینه
یسمع العاذل شچینه
إیروح الیحبنه إمن إدینه
صیر شامخ بالدلال
و إطرد الام إبخیال
و الوطن بیدک تصنعه
أنت مبداء کل ضریبه
بالمحن حب وی حبیبه
الیستجیبک تستجیبه
و الیعاند طبعه خیبه
أدری حسباته علینه من أهلنه
بس علم ما عنده یشبع ظال خابص
أنا أگلّک و أنت تدری طبعه ناگص
مو مهم یدری المعلّم
یعرف الطلّاب من واحد الثانی
و الیعانی
طوفهم خلهم شبابیک الدربنه
إو خل الیفرضون قادة من عربنه
های ذلّة من نسبنه
کل بیت بیه مرحاض مو لازم نزمّه
او بیه مضیف او بیه حلال
او بیه کنوز او بیه رجال
او بیه رب البیت صالح
او بیه هوا شرجی او شمال
أحاه یطبع الماجدات
امساهرات إمسهّرات
إمورّدات إمعلّمات
خالقات المعجزات
إینجبن اورود إلحیاة
و أنا إبنهن و أنت منهن
بأجمل أشجار المناظر ، و أنت شاعر
...
الام عجیبة إتعز ولدهه
و أنا أخص الفاقدات
و أرد اوصّی إلبیه حمیّة
یستند بالذکریّات
إشموع دوّن بالمگابر
الدمع صبّنه مثل بسمه اویه عین
إشگد عزیزة إلوالدة الدر الثمین
اه محنتهه تسد باب المعانی
او شبگت الاخر وداع إمسافرین
یمطر الدر إعلی خدهه یا ولدهه
وین شایل گلّه وین
او من هو السافر معاک الغیر عالم
بس تگلهه اللّه الهداک
او لیش رایح و السبب من بعّداک
إتظل تون لا أکل لا مای إبسهرهه
إتفکّر إبعالم ضررهه
اخ بیهه من تکاسر
بالمجالس بالمخاطر ، و أنت شاعر
...
و الابوا مخزن کنز سر بالبدایة
الحد الي أخر نهایة
إمتابعک من العمل حد الولایة
یسهر اللیل إعلی عوزک
قلبه دایة
لا تضرّه
قوم مرّه
حافظ إسنین إعلی سرّه
کبّراک او ونّساک
لبّساک او دلّلاک
خلّه الذاتک حمایة
قوم إخذ شوره او کلامه
لا تخلفه
و الخلف ضاق الندامه
هذا أوّل من کسبت العلم عنده
ای معلّم درّسک طبع الحیاة
او أدّبک من یوم صاحالک یا بابا
او لزم إیدک بالمشی صاحب مقام
او درّبک تعمل او کیف إتسیر دربک
او علّمک طور السلام
او بذل بالغالی او نفیس إیعلّی دربک
ما رمه سهم إنتقام
روح عاین بالوجه شیبه إعلی شیبه
کلّه لجلک شیبته إو زاده أحترام
هسّه وکتک گوم وفّی الّی وفالک
تدری اله یرخص حلالک
لا تگلّه اللّه إبّدالک
دلل المدلول یا ما دللّاک
خلّه شمعه إینور یم المر علیه
أحبابه الّی تعتنیه
أکرمهم إبعز و إشتفیه
و الّی ما عنده إبو ظل بیته خالی
إیضیّع أقدامه إمن إدیه
قوم طیعه إبلا ذریعة
یمکن إتطلبه إلمقابر ، و أنت شاعر
...
باری البیه الحمیّه إجعل إالروحک مضیف
إتقرّبینه للنهایه و العمل جداً ظریف
النّاس بیهه أطباع حلوه إو تندعیلک
إو عدنه ناس إمصوفرة إو مثل الخریف
زید صبرک عون صیر الیوم للماعنده والی
خلّه یمّک یستضیف
الطارده گلبه نحیف
إو ربّک الخالق لطیف
و العلم لو زاد یکثر من خریره
المال هم یکثر أذا تکرم ضعیف
عینک . إسهام التضربک و أنت غافی
إصبر إو فز فکّر إو نز
و إثلم إبرغبه الرقیف
و الّی مد إیده علیک إبیوم عوزک
إحسن إویاه الکلام
جاوبه إبطور المقام
زیل من وجهه اللثام
تدری ما عنده رقّه او ثار یطلب
ساوم الحگ طوف صوت الإنتقام
النّاس بیهم ذهب صافی
الکل توافی
او بیهم الفضّه معدنهم صبر کافی
او بیهم إمن إتراب و إیرش بالعیون
او بیهم إمن الذهب و إکثر بإلفنون
او بیهم إبمعدن رصاص أهل القصاص
او بیهم أبرنزه إو صفاره کالذهب ّو الاحترام
او بیهم إعجیریجه بس ینغط یباشر
لا یمس أحد إبلومه
إبساع یرضخ للسلام
إو بیهم إمن إلصخر قلبه
ما یطیع الغیر ربّه
طگّه إبطگّه یواعد
هذا اله أخر کلام
و أنا رایح
و أنت باقی
و أعلم أنّک ذهب صافی
إبکل طبایعهه توافی
لا تقادر ، و أنت شاعر
...
مدری شحچی ما بقت نوحه إبونینی
عمر قاهر جرّبیته إو یندعینی
عشت واگف حار طبعی
أبد منغرّیت و إیتهمونی ربعی
شوف إصبعی إشگد یبیّن بیه خطوط
حسّه واعی بالحچی التافه یخوط
الزین أکرمه إو فوق راسی
الشین أگص جدمه إبخیوط
أرد أکّمّل و أختم اوصافی إبقصیدة
الزین و الشین الیگص جنحانه بیده
الطمع ما یصعد رجل فوگ الغمم
إخلاقه الموصوفه منعوته مثل ضفر الطریدة
بس بالاخلاق إبعمر باچر تفیده
الحکم و المقیاس بید الرب یوزنه
و النجح ما خل عضیده
خلهه الک کنز المعابر من تقادر ، و أنت شاعر
...
حار أحس بیه الرصیف
ربی إرحمنی و أنا عبداً ضعیف
او قولک الأنسان جایز بالخطاء
او قولک أنت الّی تسامح بالرضاء
أدعی یحضرنی إبمماتی المرتضی
و أطلب البریان ذمتی
إعزازی أحبابی عمامی
هلی صدقانی إبختامی
الدّنیا مرکز إختبار
بالمجالس بالشعار
بیهه للعیشة النهار
او بیهه للیل إفتخار
و العباده التبقی دار
و العمل بالانتظار
یا حبیبی مو شعار
بل خلایق بل جهار
و الیخالف یدوی نار
حبّی ویّاک إفتخار
ریت أشمّک و أشم عطرک و أجعل إبزهدک وصیف
لن أحس طبعک لطیف
چنت حاضر هسّه نایم بإلمعابر ، و أنت شاعر.
د.جاسم ثعلبی ألحسّانی 03/10/1400
(جاسم محمد الحساني)
تعليقات
إرسال تعليق