بقلم الشاعر /جاسم ثعلبي الحساني

اغنیة لا تذب ضیمک علیه

یا ولفى طوف الزعل بالک تدگ بابی

ما ارید ثوب الحزن و اتعذب احبابی

ما مات گلبی ابامل و اتچمل اترابی

ما تحس بوسة محب و انت ابحضن رابی

***

یا ولفي کف البچی بات ابدمع عینی

بسک جرحنی الصبر و العتب ماذینی

تیّهت بیت العشگ و ابدربه دلینی

حطنی حمامة ابقفص او لتگلی ناسینی

***

ما اتحمّل لا تذب ضیمک علیه 

ما اتحمل لا تگول انه اشبدیه

لا تذمنی اتبع هواک / گلبی مجروح او اجاک

های من عندی ، من عندی ، های اخر وصیة

ما اتحمّل لا تذب ضیمک علیه 

ما اتحمل لا تگول انه اشبدیه

***

ما اتحمّل وانت تحرق بالمصیر

ما اتحمّل و انت تنگرنی او تطیر

دمی ینزف من حبیب / ما اظن جرحی یطیب

و انت شابگنی ، شابگنی ، شابگنی امن ادیه

ما اتحمّل لا تذب ضیمک علیه 

ما اتحمل لا تگول انه اشبدیه

***

مرمرتنی او ما شفت فرحه ابهواک

و النجوم الظهر شایفهه ابسماک

صدّگ اویاک ابتلینه / و ابصداقة اتعذبینه

بیها شربیت ، شربیت ، کاس امن المنیة

ما اتحمّل لا تذب ضیمک علیه 

ما اتحمل لا تگول انه اشبدیه

***

تحرگ ابنارک او تابعنی اشترید

تسهر ابدارک او فکرک ما یفید

تتهم الناس اشجرالک / او تابع الحایف خیالک

مانی ندمان ، ندمان ، و امی الیعربیة

ما اتحمّل لا تذب ضیمک علیه 

ما اتحمل لا تگول انه اشبدیه

***

شاعر الشعبی : 

جاسم ثعلبی الحسانی ( جاسم محمدالحساني )

 08/ 07/ 1394

30/09/2015