بقلم كلا من الأديبة الشاعرة/د. حسنه محمد والشاعروالكاتب/محمود عمار الزلباني

سجال بين كلا من
 الشاعرةدحسنه محمد
والشاعر محمود عمار الزلباني
 تحت عنوان🌹قلب تاني🌹
**************
محمود... 
ارجوكي جاوبيني
 طب ليه شغلتيني
  ما كنتي سبتيني
 في حالي وحداني
**************
حسنه.... 
هقولك ايه ولا ايه
حرام عليك انا اللي 
كان قلبي خالى 
شغلتني بيك 
وفرحت فيه عزالي
***************
محمود..... 
القلب طار راح لك
وعيوني مطرح لك
والدمع صرح لك
وعشان ايه تبكيني
**************ا
حسنه.... 
قلبي معاك.....
 وروحي سكناك.... 
اتمنيت اعيش وياك
عذبتني في هواك
راجع لي ليه تاني
*******************
 محمود....
 القلب كان ناسي
وعلى وحدته راسي
 والمر كان كاسي
طب جايه تواسيني؟
**************
حسنه... 
اسال قلبك يقدر ينساني؟؟! 
هيجاوب ويقول لك     
 مفيش مكان فيه خالي 
شغلت قلبك وهواني
ومش هيقدر ينساني
****************
محمود.... 
ليلك انا سهرته
وقلبك باجيب سيرته
  والقلب داق حيرته
ودموعي بتكويني
****** ********
حسنه... 
ليه عليه بتتجني
وانا عيشتك في الجنه
كنت بتحلم وتتمني
  عايز ايه تاني
***************
محمود...
 ليه بيا تتسلي؟
وهجرك بيوصلي
حاسس انا باللي
ف البعد يرميني
***************
حسنه.... 
اصلك مش فاهمني
ولا حاسس بحبي ليك
فاكرني بيك بتسلى
وانا روحي دايبه فيك
****************
محمود... 
من القلب حبيتك
وضلوعي كات بيتك
وبرمشي خبيتك
، نزلتي دموع، عيني
***************
حسنه.... 
افهمني اعمل معروف 
كلامك ضرب كفوف
مقدرش اشوف دموعك
قلبي عليك ملهوف 
****************
محمود.... 
يا غاوية البعد حني
ولا خايفة برده مني؟
ليه تخبي الحب عني؟
يا فرح ايامي وسنيني
***************
حسنه... 
ببعد غصب عني
مش عايزة اتعلق بيك
انت سبب همي
ليه عايزني افكر فيك
سبني ف حالي الله يخليك
***********
محمود... 
ارجعي ما تفكريش
خليني جوه القلب اعيش
بلاش العناد ما تطوليش
انت نور قلبي وعيني
****************
حسنه.... 
ارجع علي اي اساس
بعد ماهجرت و قلبي انداس
ومشيت ورااا كلام الناس
ولعب بعقك الوسواس
ياخسارة معرفتش تحبني
****************
محمود... 
لو كان هواكي لحد ثاني
خليتي قلبك ليه اناني
تعالي ثانية طب عشاني
تحلي ايامي وسنيني
*****************
حسنه... 
أزاي احب تاني 
وحبك في قلبي 
خدني ووداني
في بحر عنيك رماني
وزماني سبني ونساني
*****************

محمود... 
انا قلبي تاني مش هاذله
هابعده عن مين يضله
لازم يعرف مين فاضله
ويبقى هو نن عيني
****************
حسنه.... 
مهما بعدت مش هتنساني
اصل حبي في قلبك شكل تاني
كل ماتبعد هتقرب من جديد
وهترجع تترجاني
اني اسامحك.. هقولك ابعد 
وانسي عنواني
********
كلمات
الشاعره والكاتبه د حسنة محمد 
والشاعر محمود عمار الزلبانى

تعليقات

إرسال تعليق

المشاركات الشائعة من هذه المدونة

الشاعر / حسن علي النشار

صورة
(لحظ حسناء) بقلم/ الشاعر حسن علي النشار شعر .....حر        ................................ سمراء جادَ بالهدابٍ لكحْلِها وغرورقتْ شفتاي من رضابِ ثغرها جالستُها فتمنعتْ وتعتبتْ والغوص في الأعماقِ يسري بعمقِها هدباء تمشي والغناج بمشيها وبلفتةِ الظباء مالت بالحنين بخصرِها حسناء مكسال والحريرُ ملبسُها والسحر غالب بسمة لغنجِها مرمر يضاهي والحلاوة كوكباً ضاءت عيونَ العشق تنشر عشقها لامستُها بخفةٍ فتجهمتْ يدي تجودُ بالعطاءِ لضمها أحنو على القد النحيل تمنعاً خوفي عليهِ من النحول أن يثنها نفسي إلى العناق تطرب نحرها حاولتها والخد تورد من حسنها والعين كالغثيان يرف الهداب وأغوص في أعماق من عطرها  ميلي على كتفي وتلحفي الغطاء علَّ العيون تغيب وتحلم بخدرِها  ألقي الهوينةَ إن عطرك منعشي  وتبسمي علَّ العيون تذيبنا بسحرِها بقلم/ الكاتب الشاعر حسن النشار... **********************
قراءة المزيد

بقلم الشاعر/أيمن الصاوي

صورة
الْكِلْمه الْحِلْوة بِتْريًح      يا صَاحْبي رُد الْسّلام                          دي الْكلْمه الْحِلْوه بِتْريّح    وِإبتسامتك لمٍَا تِلاقيني                                    زي الْهِدية بِتْفرّح   عُمْري مَ غِلطت فيك                       ولا أرْضى ولا قلْبي يسْمح   وأنت يا صاحْبي لمَّا بِتزعل                           لِسانك في الْغلطْ يرْمْح    تعيد وتزيد وتكشف أسرار                             وبأعلي صوت تِفْضح    وانا بنْسى وافتح أبْوابِ الْوِد                       وأنْت أبْواب الشّر  بِتفْتح   مها تقول وأسْمع مِنّك                  هَيفْضل ليك في قلبي مَطْرح   فُوق يا صاحبي لسّه شاريك               لا تخاصم ولا تقول كلام يجْرح   شيل الغشاوة اللي مضلّمه عينيك                     ومْخليّاك تِشْتم فيَّا وِتنْطح    مَفيش خِصام بين الصّحاب                 سَمِحْتك كتير إنْت مرّة اصْفح   خَدْنا أيه من الْكِبر وِالْعناد                      مَ تخليش النّاس فينا تْفرح    ويقولوا راح الوِئام وبقوا لِئام                       كُل واحد في اخوه يدْبح    ياللا نِفتح صفحة جديده           
قراءة المزيد

بقلم الأديب الشاعر/د. الشريف حسن ذياب الخطيب

صورة
حين أحببتك،  تحول قلبي إلى بركان من المشاعر يلفظ لهيب الشوق  والاشتياق من أعماقه وتحولت روحي إلى نهر من الحنين يجري بقوة واندفاع نحو ضفاف قلبك حين أحببتك،  أصبحت كل لحظة بدونك كأزهار تذبل وتتساقط من غير ماء وأصبحت كل ليلة بلا نومك كليالي صحراء قاحلة بلا قمر ونجوم حين أحببتك،  غمرني بحر من الأشواق يتلاطم بأمواجه على شاطئ قلبي وأصبح كل شيء في هذا الكون مجرد ظل باهت بالمقارنة بنورك حين أحببتك،  أصبح كل شيء في حياتي يدور في فلك وجودك وحضورك فأنت الشمس التي تشرق على كياني والقمر الذي ينير ليالي غربتي حين أحببتك،  أصبحت أنا وأنت كالروح والجسد لا أستطيع أن أفرق  بيننا في هذا الوجود فأنت روحي التي تحيا بها وأنا جسدك الذي يتحرك بك حين أحببتك،  انمحت كل الحدود والفواصل بيني وبينك،  وأصبحنا نسيج واحد من الأحاسيس والمشاعر المتشابكة لا أستطيع أن أعرف أين أنا وأين أنت حين أحببتك،  فقدت السيطرة على نفسي وأصبحت أسير هذا الحب العميق الذي جعلني أهب كل ما أملك وأصبحت أنا بكامل وجودي خاضع لك الحب نار تلتهم كياني من الداخل وينبوع ينبع بلا توقف من أعماق قلبي هو الموج المتلاطم على شاطئ روحي والنسمة العليلة ا
قراءة المزيد