بقلم الأديب الشاعر/عبد الحميد وهبه

( أجمل رزق )

أكيد فعلاً وأنا جانبِك عِرفت الفرق 

عِرفت الحب وحلاوتُه ودُقت العشق 

لاقيت الدنيا ضحكتلي أكيد وعِرفت

وجودك يعني في حياتي ده أجمل رزق 

عِرفت الضحكة والفرحة طريقها منين 

وشُفت البسمة مرسومة في أحلى عينين 

يا رزق وإنكتب ليّا بقالُه سنين 

أنا لوحدي ودوناً عن جميع الخَلق 

أكيد فعلاً وأنا جانبِك عِرفت الفرق 

سنين قضّيتها من قبلِك عايش وحدي 

ما بين الوحدة والحيرة وسنين سُهدي 

وفجأة حياتي بوجودك صارت جنة

يا أجمل رزق ساقُه ربنا لعندي 

يا فرحة بجد كانت والله نقصاني 

يا رزق جميل وبعته ربنا عشاني 

يا نسمة صيف بتروي القلب من جوه 

يا نبض لقلبي بعد ما مُت أحياني 

يا حب وكان عوض ليا عن الحرمان 

عن الصُحبة وعن كل اللي عدّى وكان 

وبيكي الدنيا تاني يا عمري صالحتني 

وفي عيونك نسيت الهم والأحزان 

وإيه بعدك أكيد يعني هعوزه بجد 

ده بوجودك أكيد عمري ما هحتاج حد 

يا أغلى هدية جاتني يعني في حياتي 

يا عشق عندي أحلى م العسل والشهد 

بقلمي عبدالحميد وهبه 

إهداء إلى زوجتي الغالية

 بمناسبة عيد زواجنا 

12/25