بفلم الأديب الشاعر/خالد جمال
ثانية إلا ثانية
جيت ف لحظة ملكت عيني
خدت قلبي لدنيا تانية
لحظة إيه ده كلام روتيني
بالكتير ثانية إلا ثانية
مش مبالغة عشان حبيبي
أو عشان ف القلب غالية
بس لما شافتها عيني
قلبي داب سلم ف ثانية
الغرام بينك وبيني
أيوه صح ماخدش ثانية
الهيام بقى فيض ماليني
والكلام روّح ف ثانية
لما اقابله وبيلاقيني
ليه الدقيقة بتبقى ثانية
يابني زي ماخدت عيني
أوعى تبعد لو لثانية
نفسي أعيش وياك سنيني
اللي باقية ثانية ثانية
لو قالولي تعيش بدونه
عمر تاني ودنيا تانية
لأ معاك أختارها ثانية
أصل ثانية معاك بعيشها
بتبقى دنيا
والحياة من غيرك أنت
ما تسوى ثانية
بقلمي/ خالد جمال ١٤/٦/٢٠٢٥
تعليقات
إرسال تعليق