بقلم الشاعرة/حنان حلمي
🎵 تيجي نقرب
بقلم: حنان حلمي
تيجي نقرب.. وبلاش نهرب
حسبنا حسابات كتير
وتعبنا من كتر التفكير
طلبت تبعد وتنسى
بتقول فشلت حكايتنا
عارفة إن عمرك ما نسيت
ولا لغيري مِلت وحبيت
كل يوم تخبّي
وجعك في السكوت
وتخبي الدمع في عيونك
بالرغم إن له ألف صوت
لسه في بين قلوبنا حنين
ما تنسهوش كتر السنين
تيجي نرمي الحزن ورانا
ونعيش لقلب ارتاح معانا
ليه بتهجر وتقتل هوانا؟
بتمنّى من تاني ترجع ليا
وتنسى البُعد والدنيا ديّا
تعالى نعيش الحب من جديد
وننسى الجرح، القريب والبعيد
أنا وإنت حكاية ما بتنتهيش
ومهما بعدنا.. الحب ما بيختفيش
تعالى نداوي اللي بينا
ونبني من الحلم مكانا
تعالى نكتب من جديد
حكاية حب عنيد
ما يخضعش لأي ظروف
ولا يخاف من لحظة سكوت
نعيش الباقي لينا
في حب وود وسكينة
قلبي لسه بيناديك
والحنين بياخدني ليك
يلا نكمّل مشوارنا
ونحتفل بانتصارنا
تعليقات
إرسال تعليق