بقلم الشاعر/خالد جمال
سهّاني
سهّاني الواد اكمنه برنس
وشاغلني وسابني لا شوف ولا حس
من غير ما اشعر أنا بيه ولا حس
من غير حتى ما ف نبضي يجس
خدرني هواه وسقاني دواه
دوبلي ف مية عشقه القرص
سلّط على قلبي عنيه وب إس
وسحرلي العقل ف تاه واتمس
علمني الشوق من غير ولا درس
جه وغنى لروحي فرقصت رقص
مش عارف ليه كان سره في إيه
إزاي ف ثواني أنا ملت إليه
وخدتني شفايف تهمس همس
أسرتني عنيه ودخلت الحبس
جيت ارد عليه قاللي اسكت هُس
قلت الموضوع ده اكيد فيه لبس
رغم أن ده كله خروج عن النص
ماقدرتشي أقوله كفاية وبس
ده غرام وانسال مع شوق سلسال
أو طيف وخيال جه عليا ومال
لا فيه منه محال وما لوهشي مثال
ولا يقدر جن عليه أو أنس
كت قبلك روحي كيان من يأس
محبط وعايشها أنا عكس بعكس
على قلبي الهم ف دايرة اترص
ولا فارق بكره معاه من أمس
جيتني وهليت مري وحليت
وهداني هواك بعد ما ضليت
والقلب معاك لقى أهل وبيت
والليل بهواك طلعتله الشمس
بقلمي/ خالد جمال ٢٤/٧/٢٠٢٥
تعليقات
إرسال تعليق