بقلم الأديب الشاعر /عصام قابيل
ياه
إنت جاية ليه تناهدي
شادة حيلك ليه عليا
بصي بعيونك وشاهدي
إيه إللي نابك واللي صابك
بعد ماكان الوش وردي
دبل والهم جالك
كنت جميلة ياصبية
معرفش إيه اللي جرالك
إنت فيكي روح نكمل
لسه العزيمة قوية؟
رغم إن الكل خانك
لسه واخدة العِز غية ؟
رغم الهم دق بابك
رغم إن البخت سابك؟
الأمل جواك نية
الحجر م المية باش
وأنت في المحن أبية
إوعي فيوم تستكيني
ولا تحنيك الأسية
سمِ الله واستعيني
لسه ف العزم بقية
وإن ف يوم بيكي غَدَروا
استحملي ياما الأسية
مش إنت أم الدنيا برضوا
ولا بقيتي الوسية
عصام_قابيل
تعليقات
إرسال تعليق