بقلم الكاتبه الشاعرة/ رضا العزايزه
#كلام
🔻 الكلام مش بيخلص
بس الفرص بتخلص
🔻الكلام سهل
لكن تأثيره صعب
🔻الكلام ببلاش حقيقى
بس عند الناس الغير مسؤوله
🔻الكلام مبيغيرش حد
فعلا ده لو بتكلم حيطه
🔻الكلام كتير بيجيب صداع
حقيقى بس لما ميكنش ليه لازمه ومش في مكانه
🔻الكلام لا بيجيب ولا بيودى
فعلا بس لما يكون لحد مش عايز يتغير ولا انت تهمه اصلا علشان يبذل مجهود علشانك
🔻تعبنا من الكلام
حقيقي علشان ملوش صدا ولا نتيجة
🔻مبقيناش نفهم الكلام
فعلاً علشان بطلنا نحسه
🔻الكلام بيطلع من عضله ضعيفه
فعلا لكنها هدخلك نار جهنم لو سبتها براحتها
🔻الكلام امتى بيتحول لصمت سحيق؟
لما تكون اتوجعت اكتر من اللازم
🔻امتى تقول مات الكلام ؟؟؟
لما ينكسر جواك حاجه ميعبرش عنها كل حروف الكلام
🔻الكلام الرخم بيأثر بالسلب على الى شخصيته قوية؟
فعلا لأن الصخور لو نقطة ميه بتاثر فيها مع التكرار وتعمل صدع
🔻كل ده تعليق عن الكلام .
متنساش الإنسان حيوان ناطق
🔻يعنى اللى يعبر من غير كلام ميبقاش انسان
لا ...يبقى رسام او فنان او كاتب
🔻ياااه كل الفلسفه دى عن الكلام ؟!؟!
لا ...عن العلام ..
🔻امال ايه مقدمات الصمت
الكلام كتير مع التبرير
🔻ممكن يكون الكلام صنعه؟
ممكن عند أصحاب الرسالة
🔻ممكن الكلام كتير يكون محبوب؟
فعلا لما يكون تحفيز ودعم صادق ومسؤول
🔻امتى يكون الكلام هزل؟
لما يكون بس حروف حسب الظروف
🔻يعنى فك مجالس ..
لاء مجالس مفكوكة
✍️ #رضاالعزايزة
تعليقات
إرسال تعليق