بقلم الشاعر/خالد جمال
فرس
فرس حبيبي وعليه قوام
والخطوة فيه خطوة فرس
ياما قالوا عنه قوام هجَّام
وكتير قلوب ليها افترس
خد عقلي مني وطواه أوام
وماخدش باله ولا احترس
في الحسن آيه وف الجمال
يتقال عليه ده جمال شرس
ده مالوهشي ماسكة
ولا لِيه لجام
ورموش عنيه حواليه حرس
نظرات عيونه زي السهام
والكحل فيها يجيب هوس
والصوت هيام ترانيم حمام
تسمع هديل لو ليك همس
بيزيد جماله إن كان فرحان
وبيبقى أحلى لو اتقمص
لمسة ايديه فيضان حنان
يا سلام عليه لو ليك لمس
والسحر فيه كان ياما كان
والرقة تحكي تقول قصص
فرس حبيبي حلّى الزمان
والقلب ليه غنى و رقص
فرس
بقلمي/ خالد جمال ٢/١٠/٢٠٢٥
تعليقات
إرسال تعليق