بقلم الشاعر/خالد جمال
لمّا يغيب عني
لو يبعد عني يدوب ثانية
بتضيق بعديه بيا الدنيا
والقلب يقوللي هنعمل إيه
من غير أحبابنا هدق أنا ليه
شوفلك أوردة وعروق تانية
لو يبعد عني يدوب لحظة
مابدوقشي النوم بعديه لحظة
والدمع يسيل كده ع الخدين
يسألها حبيبنا ده راح على فين
والعين م السهد تبان جاحظة
لو غاب عن عيني يدوب ساعة
نار بعده ف قلبي دي لسّاعة
والروح بتسيبني وتجري عليه
وتقوللي معاك أنا لازمتي إيه
ده أسرني ومن أول ساعة
لو غاب عن عيني يدوب ليلة
بيغيب البدر لكام ليلة
والنجم ساعتها يبان مأفول
ماهو بيك يا حبيبي كمان مشغول
وبيبقى حزين ومالوش حيلة
يا حبيبي بلاش تبعد عني
ده البعد سهامه بتطعني
لو تبعد ببقى تعيس محزون
وأنا جمبك بلقى الصعب يهون
والفرحة تملي بتسكني
لما يغيب عني
بقلم/ خالد جمال ١/١٠/٢٠٢٥
تعليقات
إرسال تعليق