بقلم الشاعر /خالد جمال
يا نور عيني
ماليش بعدَك دانا مواعدَك
بقلبي وروحي وكياني
ومهما عليا طال بُعدَك
ف يوم راجع إليك تاني
هنا الغربة كما التربة
وبين جدرانها دفناني
لكن لو عيشتي كت صعبة
تهون لاجلِك وتحلالي
لو الدنيا كانت جانية
وحكم زماني كان جاني
أكيد بكره تكون ذكرى
ويفرِج عني سجَّاني
مادام شوقنا ده ف عروقنا
وعشقك عاش ف شرياني
ما تغلبنا سنين فرقة
ولو بمرارها سقياني
مادام بوحنا ساكن روحنا
وسامعك وأنتِ سمعاني
لأ أحزانا ولا جروحنا
هتفرق مهما هنعاني
دانا طيرك ماليش غيرك
ومهما الريح هترميني
ف يوم راجع يغنيلك
وضي عنيكي يأويني
يا نور عيني
بقلمي/ خالد جمال ٢٠/١٠/٢٠٢٥
تعليقات
إرسال تعليق