بقلم الشاعرة /حنان حلمي
"أصعب بكاء… وأقوى بداية"
أصعب بكاء هو
البكاء من غير دموع
فيه تئن الروح وتنوح
كنت بتبعد وتقسي
وأنا أعدي وأنسي
وأحاول ألاقي ليك
آلاف من الأعذار
قلبي كان شاريك
وبيجري وراك مشاوير
عيوني ما كان فيها
غير رسمك وصورتك
لكن لقيت منك قسوة
كانت هي علي ردك
كل مرة أقول يمكن
في يوم حنينك يشدك
وترجع تجدد وعدك
لكن يا قلبي تعبت
من وعد ماله أمان
مشيت وسبتني وحيدة
أعافر ضد الهوان
وارمي نفسي في
بحر من النسيان
أغسل فيه وجعي
وأدور علي شط أمان
يكون لي فيه عنوان
وأمسح من قلبي الأحزان
وأودع كل الحرمان
وأقول لقلبي المكسور
فوق… ليه فيك حياة
كفاية يا دنيا كفاية
مش عايزاه تاني
يكون بطل الحكاية
وأنا مهما انكسرت
هقوم وأقاوم
وأنسي كل الأوهام
بقلمي: حنان حلمي
تعليقات
إرسال تعليق